На граничниот премин Богородица на овој празничен ден, како што и се очекуваше – зголемен број на патници и возила кои заминуваат во некои од излетничките места во соседна Грција за да го минат продолжениот викенд.
Уште од раните утрински часови на преминот се забележува зголемена фрекфенција. Олколу 10.00 часот границите повторно се споија, а тоа се случува често овој летен период.
На преминот Богородица се работи со целиот расположлив капацитет, а според информациите од командирот на граничната полиција Милена Аврамова доколку се случи да се создаде поголема редица таа се решава со помош на новиот систем за регистрирање на патници и возила што значи задржувањето на границата е само заради извршување на редовните царински и патни процедури.
Чекањето на Евзони беа подолги, односно се чекаше од еден до два часа. 12 Редици се формираа на граничниот премин од грчка страна, но и покрај тоа протокот одеше забавено. Нервоза и нетрпение кај патниците создаваше и огромната жештина што нѐ дочека овој ден, а на овој дел од државата достигнува и до 40 степени целзиусови.
Од синоќа па до 10.00 часот на преминот Богородица за излез од Република Северна Македонија се регистрирани вкупно 1200 македонски државјани и 5529 странски државјани.
