„Надзорната расправа организирана од СДС е поразена, Филипче матиран со вистината за Алта банка“, велат од ВМРО-ДПМНЕ

ВМРО-ДПМНЕ преку соопштение ја обвини СДСМ дека ја избегнува вистината за случајот со АЛТА банка, оценувајќи дека надзорната расправа, организирана од опозициската партија, не ги исполнила очекувањата.

— реклама —

Во реакцијата на Венко Филипче, од ВМРО-ДПМНЕ наведуваат дека претседателот на партијата и премиер, Христијан Мицкоски, на расправата презентирал извадок од нацрт-записникот од 194. седница на Владата, одржана на 24 октомври 2023 година, кога премиер бил Димитар Ковачевски.

— реклама —

Според партијата, на таа седница тогашниот министер за финансии Фатмир Бесими побарал Владата да му одобри на Државното правобранителство да воспостави деловни односи со АЛТА банка од Белград, чиј сопственик е Давор Мацура.

Од ВМРО-ДПМНЕ тврдат дека Владата предводена од СДСМ и ДУИ уште во 2023 година дала насоки за воспоставување деловни односи со банката, поради што ги обвинуваат Филипче и СДСМ за прикривање на сопствената улога во случајот.

— реклама —

Во соопштението се наведува и дека претставниците на СДСМ барале паузи и прекини на надзорната расправа, со цел, според ВМРО-ДПМНЕ, да избегнат соочување со изнесените информации.

— реклама —

На крајот, партијата го повика Филипче да одговори дали тој и неговите сопартијци имаат сметки во АЛТА банка.