Награден ученички литературен конкурс за најдобра поетска творба

По повод 8-ми Декември – Св.Климент Охридски – Патрон на градот, Општина Охрид распишува:

НАГРАДЕН УЧЕНИЧКИ ЛИТЕРАТУРЕН КОНКУРС ЗА НАЈДОБРА ПОЕТСКА ТВОРБА

— реклама —

Темата на Конкурсот треба да  се однесува на Охрид и животот и дејноста на Свети Климент Охридски.

По овој Конкурс, Општина Охрид ќе додели три први награди за најдобра поетска творба во три различни категории:

— реклама —

• I  За ученици од одделенска настава (од прво до петто одделение);
• II  За ученици од предметна настава(од шесто до деветто одделение);
• III За ученици во средно образование (од прва до четврта година).

• Износот на наградата за првата категорија е 2.000,оо денари;
• Износот на наградата за втората категорија е 3.000,оо денари;
• Износот на наградата за третата категорија е 4.000,оо денари.

— реклама —

Изборот на најдобрите поетски творби ќе го направи тричлена жири – комисија, формирана од градоначалникот  на Општина Охрид.

Право на учество на овој Конкурс имаат сите редовни ученици  од основните и средните училишта на подрачјето на Општина Охрид.

Творбите, во три примероци, во затворен плик, под шифра, најдоцна до 30.11.2019 година, треба да се доставуваат  на следната адреса:

Општина Охрид, – ул. ”Димитар Влахов“бр.57 (со назнака : За Конкурсот за наградени творби и со наведена категорија за која се конкурира).

— реклама —

Творбите пристигнати по наведениот датум нема да се разгледуваат.

Авторството се докажува со четвртиот примерок.

Наградите ќе бидат врачени на една од свеченостите организирани по повод 8-ми Декември – Свети Климент Охридски – Патронот на Охрид.