Најавена одмазда: Во руски ракетен напад убиен командант на украинска бригада – 30 ранети

Во руски ракетен напад врз селото Хуљајпоље во Днепропетровската област, убиен е командантот на украинската 110-та посебна механизирана бригада, Серхиј Захаревич, а уште 30 лица се ранети. Веста ја потврди претседателот на Украина, Володимир Зеленски.

— реклама —

Нападот се случил вчера рано наутро во реонот Камјански, каде се наоѓа и селото Хуљајпоље – предвоено населено со околу 1200 жители, лоцирано на западниот раб од областа, околу 70 километри од линијата на фронтот.

— реклама —

„Секако дека ќе одговориме на Русите за овој напад“, изјави Зеленски, додавајќи дека е во тек истрага и дека очекува извештај од военото раководство.

— реклама —

Серхиј Захаревич дипломирал на Институтот за копнени сили во Одеса. Во февруари годинава бил назначен за командант на 110-та бригада, а претходно бил заменик-командант на 33-та механизирана бригада. Учествувал во бројни борбени мисии и важеше за припадник на новата генерација украински офицери – формирани во воени услови, ценети по храброст и воено лидерство.

— реклама —

„Армијата изгуби уште еден претставник на генерацијата што израсна во војна и стана симбол на храброст и посветеност“, соопшти Главниот штаб на украинската армија.