Мирјана Најчевска преку објава на социјалните мрежи остро реагираше по случувањата во Гостивар, оценувајќи дека актуелната состојба е последица на, како што наведува, долгогодишно лошо владеење и неодговорно управување со државата.
Во својата објава, Најчевска тврди дека проблемите се резултат на „многу години и многу власти кои крадат, лажат и ги манипулираат граѓаните“, додавајќи дека граѓаните треба да се потсетат на тоа секогаш кога по изборите се слави победа.
Таа ги спомена СДСМ, ВМРО-ДПМНЕ, ЗНАМ, ДУИ и ВЛЕН, обвинувајќи ги дека ја довеле државата во состојба што, според неа, е далеку од европските стандарди.
Во објавата Најчевска употреби и тешки квалификации кон политичарите, нарекувајќи ги „убијци на вашите деца“, а на крајот упати повик до граѓаните да се спротивстават на, како што наведува, ваквите политики и да застанат во одбрана на иднината на своите деца.
