Најденo мртво тело на новинар кој бил под заштита на државата

Новинарот Франсиско Ромеро Дијас е убиен на карипскиот брег на Мексико. Тој е петти новинар кој во Мексико е убиен во текот на оваа година.

Трупот на Дијас, новинар кој беше под заштита на државата и работеше за локални медиуми, пронајдено е вчера во градот Плаја дел Кармен, велат од обвинителството.

„Жртвата на 12 април пријави закани“, се наведува во соопштението.

— реклама —

Дијас беше независен новинар кој работеше за дневниот весник „Кинтана Ро ој“ и кој од 2018 година беше дел од програмата за заштита на новинари, соопштија Репортери без граници.

— реклама —

Тие наведуваат дека тој е четврт убиен новинар во сојузната држава Кинтана Ро во рок од една година.

Мексико се наоѓа на 147 од 180 места на ранг-листата за слобода на медиумите на Репортери без граници. Според таа организација, Мексико е меѓу најопасните места за новинари во светот, на ниво со Авганистан, Јемен и Сирија.

— реклама —

Во текот на 2018 година во Мексико се убиени 10 новинари, а најголем дел од случаите не се решени.

Мексиканската влада кон крајот на март објави дека сака дополнително да го зајакне механизмот за зашт

ита на новинари.