Најладно утрово во Берово: измерени -4 степени

Утрово најниска температура во земјава е измерена во Берово, каде термометрите покажале -4 степени Целзиусови, информираат од метеоролошките служби. Студено било и во Маврови Анови со -2 степени, како и на Попова Шапка, во Крива Паланка и Лазарополе каде се измерени -1 степен.

— реклама —

Температура од 0 степени е регистрирана во Битола, Тетово и Крушево, додека 1 степен се измерени во Струмица, Скопје-Петровец, Прилеп, Пожаране, Велес и Претор. Со 2 степени утрото го дочекаа Куманово, Охрид, Ѓуриште, Кавадарци и Гевгелија, а 3 степени се измерени во Виница, Штип, Тополчани и Демир Капија. Најтопло утрово било во Скопје-Зајчев Рид со 4 степени.

— реклама —

На Попова Шапка има и снежна покривка од 51 сантиметар.

— реклама —

Според прогнозата, претпладне времето ќе биде сончево со мала до умерена облачност и со слаб до умерен ветер од јужен правец. Попладне ќе биде променливо облачно со сончеви периоди, а на одделни места ќе има услови за локални слаби врнежи од дожд. Максималната дневна температура ќе се движи од 13 до 19 степени.

— реклама —

Во Скопје претпладне ќе биде сончево со умерена облачност, додека попладне облачноста ќе се зголеми. Ќе дува слаб до умерен ветер од јужен правец, а максималната температура ќе достигне до 17 степени.