Најладно утрово во Берово, снег од 63 сантиметри на Попова Шапка

Најниска температура утрово е измерена во Берово, каде термометарот се спушти до -6 степени. Во Битола се измерени -3 степени, а -2 степени во Скопје-Петровец, Крива Паланка, Претор, Струмица, Маврови Анови и на Попова Шапка.

— реклама —

Температура од -1 степен е регистрирана во Тетово, Прилеп, Велес, Демир Капија и Гевгелија, додека 0 степени се измерени во Скопје-Зајчев Рид, Куманово и Крушево. Во Штип, Охрид и Кавадарци минималната температура изнесуваше 1 степен, а во Виница 2 степени.

— реклама —

На Попова Шапка има и снежна покривка од 63 сантиметри.

— реклама —

Според прогнозата, времето денеска ќе биде сончево и релативно топло со мала локална облачност. Ќе дува слаб до умерен ветер претежно од јужен правец, а максималната температура ќе се движи од 14 до 20 степени.

— реклама —

Во Скопје ќе преовладува претежно сончево време со слаб до умерен ветер од југоисточен правец, а дневната температура ќе достигне до 19 степени.