Најмалку 22 загинати во нападот врз Киев, Зеленски директно ги повика сојузниците

Најмалку 22 лица загинаа, а 86 се повредени во масовниот руски напад врз Киев, извршен во текот на ноќта, соопштија украинските власти. Спасувачките екипи натаму трагаат по преживеани под урнатините, поради што се стравува дека бројот на жртви може дополнително да се зголеми.

— реклама —

Градоначалникот на Киев, Виталиј Кличко, нападот го опиша како најмасовен врз украинската престолнина од почетокот на војната и најави дека утрешниот ден ќе биде прогласен за ден на жалост. Меѓу повредените има и две деца.

— реклама —

Украинскиот претседател Володимир Зеленски изјави дека нападот уште еднаш покажал колку на земјата ѝ недостигаат ракети за противвоздушна одбрана.

„Да беше навреме испорачана ветената помош од нашите партнери, ќе можевме да спасиме повеќе домови и повеќе човечки животи“, рече Зеленски, додавајќи дека Украина не бара нови ветувања, туку испорака на веќе договорената воена помош.

— реклама —

Според украинските воздухопловни сили, Русија во нападот лансирала 74 ракети и 496 беспилотни летала, од кои најголемиот дел биле насочени кон Киев. Украинската противвоздушна одбрана пресретнала или електронски попречила поголем дел од проектилите и дроновите, но дел од нив погодиле 33 локации.

— реклама —

Од Кремљ соопштија дека руските сили гаѓале исклучиво воени или, како што наведоа, „квазивоени“ цели.