Најниска температура денеска е измерена на Попова Шапка со -3°C

Денеска времето во земјата ќе биде променливо облачно и релативно топло, со сончеви периоди, но ќе дува умерен до засилен, а локално и повремено силен ветер од јужен правец со брзини над 60 km/h. Кон крајот на денот и во текот на ноќта се очекуваат повремени врнежи од дожд.

— реклама —

Максималната температура ќе се движи од 14 до 21 степен, додека во Скопје се очекува до 20 степени.

— реклама —

— реклама —

Според утринските мерења, најладно во земјата е на Попова Шапка со -3°C. Најниски температури се забележани и во Берово (-1°C), Битола и Крушево (0°C), додека во Скопје-Петровец, Тетово, Охрид, Прилеп и Маврови Анови се измерени 1°C.

— реклама —

На Попова Шапка снежната покривка достигнува 53 cm, што е највисоко измерена во земјата.