Уапсен заменик-директор во Царинската управа: Осомничен дека зел мито од над 15.000 евра, се дал во бегство

Џевер Имери, вработен во Царинската управа како заменик-директор на Секторот за администрација, е уапсен под сомнение дека побарал мито од над 15.000 евра во врска со тендер во Царинската управа, дознава „Скопје1“.

— реклама —

Според информациите, Министерството за внатрешни работи, преку Бирото за јавна безбедност, претходно обезбедило обележани парични средства кои му биле предадени на осомничениот.

— реклама —

Откако ги презел парите, Имери не застанал на наредбите на полициските службеници и се дал во бегство.

Полицијата презела мерки за негово пронаоѓање, по што тој бил фатен и лишен од слобода.

— реклама —

Случајот е поврзан со сомнение за корупција при тендерска постапка во Царинската управа, а се очекуваат дополнителни официјални информации за кривичното дело за кое Имери ќе биде пријавен, како и за натамошната постапка против него.

— реклама —

Засега нема детали од институциите; акцијата е и натаму во тек.