Претседателот Стево Пендаровски донесе одлука да прогласи вонредна состојба, откако Талат Џафери одби да го состане Собранието и да свика седница. Пендаровски посочи дека лидерите на политичките партии даваат поддршка за вонредната состојба.
„Одлуката ја донесов за заштита на граѓаните. Ова ќе трае 30 дена, а по истекот на овие 30 дена, очекувам Владата да ми поднесе детален извештај за ефектите од дотогаш превземените мерки и образложен предлог за продолжување на дополнителни 30 дена“, рече Пендаровски.
Тој ги повика граѓаните кои се надвор од нашата држава да не се враќаат тука, а доколку решат да дојдат, да бидат соочени со тоа дека мора да ги почитуваат мерките, како и да бидат соочени дека можат да бидат во карантин.
“Вонредната состојба покажува колку е озбилна ситуацијата и колкав е ризикот за сите нас“, додаде тој.
Пендаровски им се заблагодари на Армијата, полицијата, здравствените институции и им оддаде почит за нивната пожртвуваност.
„Немам никакви дилеми за одлуките кои ги носам. Изборите мора да бидат одложени“, кажа претседателот.
