Бурата Ингун, со удари на ветерот над 193 километри на час, ја погоди Норвешка.
Домаќинствата во централните делови на земјата во четвртокот се разбудија без струја, а автобус североисточно од градот Берген излета од патот. За среќа, никој од 14-те патници кои биле во него не е повреден.
Некои области беа поплавени, а поради ураганските ветрови привремено беа прекинати услугите на авиопревозниците и фериботите.
Имаше известувања и за затворање училишта, патишта, тунели и мостови.
Издувани се неколку хотелски прозорци, а полицијата во центарот на Бод издаде предупредување во кое се наведува дека постои „опасност по живот“.
Штета претрпе и болницата во Харстрад. Фотографиите објавени во норвешките медиуми покажуваат дека рампата за слетување на хеликоптерот е преполна со остатоци.
„Плочките летаат насекаде и видливоста е лоша“, изјави портпаролот на градоначалникот Оивинд Арвола за норвешката телевизија NRK.
