Најстудено на Попова Шапка -5, најмногу дожд во Крива Паланка

Утрото во земјава донесе ниски температури и врнежи во повеќе региони, додека во текот на денот се очекува променливо облачно време со сончеви периоди и локален дожд на југот.

— реклама —

Најстудено утринава беше на Попова Шапка, каде се измерени -5 степени. Под нулата беше и во Маврови Анови со -1 степен, додека 0 степени се регистрирани во Крушево и Берово. Во Скопје (Петровец) температурата изнесуваше 0 степени.

— реклама —

Најмногу врнежи во изминатите 24 часа се измерени во Крива Паланка – 18 литри на метар квадратен. Потоа следуваат Виница со 13 и Пожаране со 11 литри на метар квадратен. Значителни врнежи се регистрирани и во Маврови Анови и Кавадарци со по 9 литри.

— реклама —

Денеска времето ќе биде променливо облачно со сончеви периоди, а во јужните делови ќе има услови за повремен локален дожд. Ќе дува умерен, наместа засилен ветер од северен правец. Максималната температура ќе се движи од 9 до 16 степени.

— реклама —

Во Скопје се очекува слично време – променливо облачно и посвежо, со умерен до засилен северен ветер. Дневната температура ќе достигне до 15 степени.