Во земјава утрово се измерени ниски температури, при што најстудено било на Попова Шапка, каде температурата се спушти до -4 степени Целзиусови.
Под нулата било и во Берово со -1 степен, додека нула степени се измерени во Маврови Анови и Крушево.
Температура од 2 степени е регистрирана во Охрид, Тетово и Претор, додека 3 степени се измерени во Крива Паланка и Штип.
Во Битола, Прилеп, Куманово, Кавадарци и Демир Капија се измерени 4 степени, додека најтопло утрово било во Струмица, Гевгелија и Виница со 5 степени, како и во Скопје (Петровец и Зајчев Рид) и Велес со 6 степени.
Во изминатите 24 часа најмногу врнежи се регистрирани на Попова Шапка, каде наврнале 4 литри на метар квадратен, додека во Претор се измерени 1 литар на метар квадратен.
Снежната покривка на Попова Шапка утринава изнесува 58 сантиметри.
Времето денеска ќе биде променливо облачно со повремен локален дожд. Ќе дува слаб до умерен ветер од северен правец, кој на места повремено ќе засилува. Максималната температура ќе се движи во интервал од 9 до 15 степени.
Во Скопје ќе преовладува променливо облачно време со слаб до умерен северен ветер, а во одделни делови од котлината ќе има услови за повремен слаб дожд. Максималната температура ќе достигне до 15 степени.
