Најстудено на Попова Шапка со 3 степени, денеска дожд и променливо облачно време

Најниска минимална температура утрово е измерена на Попова Шапка, каде што живата во термометарот се спуштила до 3 степени Целзиусови. Студено утро е регистрирано и во Маврови Анови со 5 степени, додека во Берово се измерени 6 степени.

— реклама —

Минимални температури од 7 степени се измерени во Крива Паланка и Битола, а 8 степени во Крушево и Охрид. Во Прилеп, Претор, Скопје – Зајчев Рид, Скопје – Петровец и Велес утринската температура изнесувала 9 степени.

Во Кавадарци и Куманово се измерени 10 степени, во Струмица 11, во Демир Капија 12, а најтопло утро имала Гевгелија, со минимална температура од 13 степени.

— реклама —

Времето денеска ќе биде променливо облачно, со повремени локални врнежи од дожд. Претпладне, во одделни котлини ќе има услови за појава на магла. Ќе дува слаб до умерен ветер од југоисточен правец.

— реклама —

Максималната дневна температура ќе се движи од 16 до 20 степени Целзиусови.

Во Скопје ќе преовладува променливо облачно време, а претпладне ќе има услови за појава на слаба магла. Попладне, во делови од Скопската Котлина се очекува повремен дожд. Ќе дува слаб југоисточен ветер, а максималната температура ќе достигне до 17 степени.

Во изминатите 24 часа, до 8 часот утрово, најмногу врнежи се регистрирани во Гевгелија, каде што наврнале 4 литри на квадратен метар. Во Претор се измерени 1 литар на квадратен метар.