Во текот на утринските часови најниски температури се измерени во Берово, Лазарополе и на Попова Шапка, каде термометарот се спушти до 4 степени. Во Крушево и Маврови Анови се измерени 6 степени, додека 7 степени се регистрирани во Крива Паланка. Во Охрид и Битола минималната температура изнесувала 8 степени.
Во Скопје-Петровец, Тетово, Претор и Прилеп се измерени 9 степени, додека на Зајчев Рид во Скопје, како и во Куманово, Велес и Кавадарци се регистрирани 10 степени. Во Штип, Виница и Гевгелија се измерени 11 степени, во Струмица 12, а најтопло било во Демир Капија со 13 степени.
Во изминатите 24 часа до 08 часот се забележани и слаби врнежи: 2 литри на метар квадратен во Крушево, 2 во Попова Шапка, 1 во Тетово и 1 во Лазарополе.
Денеска времето ќе биде променливо облачно со сончеви периоди. На повеќе места ќе биде нестабилно со пороен дожд, грмежи и засилен ветер. Локално се очекуваат поинтензивни процеси во форма на невреме со пообилен пороен дожд (над 20 l/m²), грмежи, засилен до силен ветер над 70 km/h и можност за појава на град.
Максималната температура ќе се движи од 18 до 24 степени. Во Скопје се очекува до 23 степени, со нестабилност и можност за краткотрајно невреме во делови од котлината.
