Најстудено утрово во Лазарополе, измерени 4 степени

Утрово најстудено во Македонија било во Лазарополе, каде што се измерени 4 степени, соопшти Управата за хидрометеоролошки работи.

— реклама —

По Лазарополе, најниски температури се измерени во Берово и на Попова Шапка со 5 степени, 6 степени во Маврови Анови и Крива Паланка, додека во Битола и Крушево биле измерени 9 степени.

Во Скопје утринската температура изнесувала 14 степени, а најтопло било во Гевгелија со 18 степени.

— реклама —

Во изминатите 24 часа најмногу дожд наврнал во Крушево, каде што биле измерени 34 литри на метар квадратен. Пообилни врнежи имало и во Пожаране со 8 литри и Виница со 6 литри на метар квадратен.

— реклама —

Од УХМР информираат дека денеска времето ќе биде сончево со мала до умерена локална облачност. Ќе дува слаб до умерен северен ветер, а долж Повардарието повремено засилен.

Максималната дневна температура ќе достигне од 22 до 31 степен.

— реклама —

Во Скопје времето ќе биде сончево со мала облачност и слаб до умерен северен ветер, а температурата ќе достигне до 28 степени.