Најстудено во Берово и Попова Шапка, 66 сантиметри снег на Шара

Утрото во земјава донесе ниски температури, при што најстудено беше во Берово и на Попова Шапка со -1 степен. Нула степени се измерени во Крива Паланка, 1 степен во Маврови Анови, а 2 степени во Лазарополе и Крушево.

— реклама —

Во останатите делови од земјата минималните температури се движеа од 4 степени во Виница, 5 во Битола и Претор, 6 во Прилеп и Кавадарци, до 9 степени во Демир Капија и Гевгелија.

— реклама —

Во изминатите 24 часа најмногу врнежи се измерени на Попова Шапка – 4 литри на метар квадратен, 3 во Маврови Анови, 2 во Пожаране и по 1 литар во Скопје-Зајчев Рид, Струмица и Берово. На Попова Шапка има и најмногу снежна покривка, која изнесува 66 сантиметри.

— реклама —

Денеска времето ќе биде променливо облачно, претпладне на повеќе места со слаб локален дожд. Во попладневните часови се очекува постепено намалување на облачноста. Ќе дува слаб до умерен ветер од југоисточен правец, а максималната температура ќе се движи од 11 до 16 степени.

— реклама —

Во Скопје ќе преовладува променливо облачно време. Претпладне во делови од котлината е можен слаб дожд, а попладне облачноста ќе се намалува. Ќе дува слаб до умерен југоисточен ветер, а дневната температура ќе достигне до 15 степени.