Наместо живот донесоа проблеми, велат од ВМРО-ДПМНЕ

Со СДСМ Македонија назадува. Првиот месец оваа година со само 1% реализирани капитални инвестиции покажува дека и оваа година нема да нови проекти и раст.

— реклама —

Катастрофално лошото менаџирање со државата се гледа на секое поле. Со оваа власт за првпат во историјата јавниот долг надмина 5 милијарди евра и е над 50% од БДП, со што се загрозува солвентноста на државата.

За само две години долгот на државата е зголемен за скоро половина милијарда евра, а во исто време нивото на реализација на капитални проекти е очајно ниско.

— реклама —

Каде и на што се потрошија скоро половина милијарда евра? Да монтираа бројчаник како што ветуваа до сега ќе прегореше од галопирачкото задолжување.

— реклама —

Граѓаните се оптоварени со нови милијарди кои треба да ги враќаат наредните години, а притоа не добиваат ништо за возврат. Нема плата од 500 евра, нема поголеми пензии, нема 600 километри нов автопат, нема ништо од она што го ветуваа.

— реклама —

Наместо подобар живот донесоа повисоки даноци, нови проблеми и безпарица.

Власта ги зави граѓаните во црно и затоа треба да си замине. Поразот на претседателските избори е првиот показател дека граѓаните не сакаат државата да продолжи да тоне.