Нападнал член на семејството и пукал двапати во воздух, уапсен 76-годишник од Охрид

Полицијата лишила од слобода 76-годишен охриѓанец, откако претходно во семејниот дом физички нападнал член на семејството, а потоа испукал два куршуми во воздух.

— реклама —

Од МВР информираат дека на 5 октомври во 19:15 часот, на улицата „Кленоец“ во Охрид, полициски службеници од СВР Охрид го лишиле од слобода И.С. (76).

— реклама —

Според пријавеното, тој претходно во семејниот дом физички нападнал член на неговото семејство, по што со пиштол испукал два куршуми во воздух.

— реклама —

При увидот и претресот во неговиот дом, извршени со судска наредба, полициските службеници го пронашле и одзеле пиштолот.

По целосното расчистување и документирање на настанот, против 76-годишникот ќе биде поднесена соодветна пријава.