СВР Велес поднесе кривична пријава против две лица од Велес поради сомнение за оштетување и неовластено навлегување во компјутерски систем.
Според информациите од Министерството за внатрешни работи, пријавени се Б.П. и Г.М., кои се сомничат дека на 4 јуни 2026 година во Велес неовластено употребиле пронајдена платежна картичка.
Првопријавениот ја пронашол картичката и му ја предал на второпријавениот, кој потоа ја употребил за плаќање на артикли на повеќе продажни места.
За случајот СВР Велес поднело кривична пријава поради постоење основи на сомнение за сторено кривично дело „оштетување и неовластено навлегување во компјутерски систем“.
