Полицијата во Неготино лишила од слобода 28-годишен жител на градот, кој се сомничи дека со сила провалил во дом на 50-годишен неготинец и се обидел да одземе предмети.
И.Д. (28) бил лишен од слобода на 10 септември во 17:30 часот од полициски службеници од ОВР Неготино.
Според сомненијата, тој со употреба на сила ја отворил влезната врата од домот на 50-годишниот маж, по што се обидел да одземе различни предмети.
И.Д. бил приведен во полициска станица, а за случајот бил известен јавен обвинител. По целосното документирање на настанот, против него ќе биде поднесена соодветна пријава.
