Насилно влегол во стан, па ја нападнал сопственичката кога дошла

Непознато лице нападнало 50-годишна скопјанка во нејзиниот стан во општината Аеродром, а потоа побегнало со украдени пари, информира Министерството за внатрешни работи.

— реклама —

Случајот бил пријавен на 13 октомври, околу 16 часот, во СВР Скопје. Според пријавеното, жената се вратила во својот стан и забележала дека влезната врата била насилно отворена и оштетена. Таа не можела веднаш да влезе, бидејќи вратата била блокирана со столица.

— реклама —

— реклама —

Откако успеала да ја отстрани пречката и да влезе во станот, затекнала едно лице кое ја нападнало со тврд предмет, а потоа побегнало. По нападот, жената забележала дека од станот биле одземени пари.

Од МВР информираат дека се преземаат мерки за расчистување на случајот.