Не го предал оружјето иако имал решение за привремено одземање, а полицијата пронашла и 45 куршуми: уапсен 73-годишник од Валандово

Кривична пријава е поднесена против 73-годишен жител на Валандово, откако при претрес во неговиот дом биле пронајдени повеќе парчиња оружје и муниција, соопшти МВР.

— реклама —

Надворешната канцеларија за криминалистички работи Валандово поднела пријава против Д. Р. (73) поради сомнение за сторени кривични дела „неовластено изработување, држење, посредување и тргување со оружје и муниција“ и „фалсификување на огнено оружје“.

— реклама —

При извршените проверки на 24 март 2026 година било утврдено дека пријавениот поседувал дозвола за поседување и носење на пиштол „Црвена Застава“, калибар 9 мм, и пушка „ТОЗ“, калибар 12 мм. За оружјето претходно било донесено решение за привремено одземање, но тој не го предал.

— реклама —

При претресот во неговиот дом биле пронајдени пиштолот и пушката, како и два пиштоли „Екол Туна“ и 45 парчиња муниција.

— реклама —

Дополнително било констатирано дека на оружјето била извршена механичка интервенција, односно била поставена нежлебана цевка, со што било овозможено истрелување боева муниција.