Екс-премиерот во бегство, Никола Груевски, преку социјалните мрежи упати честитка по повод денешниот празник Успение на Пресвета Богородица.
Тој порача, овој празник да донесе здравје и среќа за сите, додавајќи да правиме добро, со добро да ни се врати.
„Денес е голем празник-Успение на Пресвета Богородица.
Денес се слави, не смртта, туку заспивањето и вознесувањето, заминувањето на небото, воскреснувањето како со душата, така и со телото на мајката на Исус Христос – Марија. Земена во Христовите прегратки и вознесена на небото, Таа станува прв и најголем застапник на луѓето пред Бога.
И, како што рекол нашиот народ, не копајте гроб на друг, оти самите ќе паднете во него“, вели Груевски во честитката.