Претседателот на СДСМ, Венко Филипче, на панел-дискусијата во рамки на конференцијата „Седум децении подоцна: Од визијата на Шуман до новите геополитички предизвици на Европа“, порача дека Македонија не смее да дозволи српско и руско влијание да ја оттурне од европскиот пат.
Филипче истакна дека проширувањето на Европска Унија денес претставува јасна геостратешка цел и за самата Унија.
Тој посочи дека скептицизмот кај некои земји-членки кон проширувањето е променет и дека државата треба да го искористи моментот.
„Жалам што слушам за некакви алтернативи денеска, тоа е недозволиво во наша земја“, рече Филипче, додавајќи дека не може да се игнорира, како што наведе, „унгарското и српското влијание“ врз актуелната власт.
Филипче оцени дека без европски стандарди и европско правосудство тешко може да се врати довербата кај граѓаните и младите.
„Луѓето немаат верба повеќе. 80 проценти од моите студенти учат германски јазик и сакаат да си одат“, изјави лидерот на СДСМ.
