Млечниот Пат и еден од метеорите од метеорскиот дожд Персеиди се најдоа во ист кадар над Националниот парк „Галичица“, во фотографија направена од Димитар Бирачоски.
Фотографијата е снимена од локалитетот Корита, далеку од силното градско осветлување, што овозможило јасно да се забележи појасот на Млечниот Пат, а во горниот дел од кадарот се гледа и светлосната трага од метеор.
Персеидите токму ноќта меѓу 12 и 13 август го достигнaa својот врв во 2026 година, а оваа година условите за набљудување се особено поволни поради темното небо и отсуството на силна месечева светлина. НАСА ги вбројува Персеидите меѓу најбогатите метеорски дождови, при кои во идеални услови можат да се забележат десетици метеори во еден час.
Овојпат небесниот спектакл над Галичица го забележа Бирачески, создавајќи впечатлив кадар во кој истовремено се гледаат илјадници ѕвезди, Млечниот Пат и еден Персеид.
