Недостигот на дизел ја тресе светската економија, Русија најавува поголем извоз

Русија планира да го зголеми извозот на дизел-гориво на светските пазари и до крајот на годината да ги достигне претходните нивоа на испораки, најави рускиот вицепремиер Александар Новак на меѓународниот форум „Руска енергетска недела“.

„До крајот на годината планираме да ги достигнеме нивоата што претходно ги испорачувавме на светските пазари, приближно 3,5 милиони тони месечно“, изјави Новак, пренесе РИА Новости.

— реклама —

Тој оцени дека Русија отсекогаш била сигурен снабдувач со енергетски ресурси за Западна Европа, а денес и за светските пазари, вклучително и азиските. Според него, земјата е подготвена да придонесе за стабилизирање на енергетските пазари.

„Подготвени сме да ја задржиме нашата улога во обезбедувањето енергетска сигурност преку долгорочни партнерства“, рече Новак.

— реклама —

Рускиот вицепремиер посочи дека светските цени на нафтата и нафтените деривати речиси се удвоиле од почетокот на годината. Во исто време, недостигот на дизел-гориво се проценува на околу 25 проценти, што тој го поврза со структурните промени на пазарот и последиците од состојбата во Ормускиот Теснец.

„Секоја земја се обидува да ги обезбеди сопствените енергетски ресурси, но само преку соработка може да се гарантира глобална стабилност“, нагласи Новак.

— реклама —

Тој го оцени договорот за дизел-гориво со Соединетите Американски Држави како прагматично решение од кое корист имаат сите учесници на пазарот.

Претходно овој месец, претседателите на Русија и САД, Владимир Путин и Доналд Трамп, одржаа телефонски разговор. По разговорот, американскиот претседател објави сеопфатен договор според кој Москва ќе испорача до три милиони тони дизел-гориво за американскиот и светскиот пазар, во зависност од состојбата на руските рафинерии за нафта.

За таа цел, Министерството за финансии на САД издаде исклучок од санкциите, кој важи до 7 април.

По ова, руската влада делумно ја укина забраната за извоз на дизел-гориво.