Бразилскиот фудбалер Нејмар потврди дека ја завршува репрезентативната кариера и повеќе нема да настапува за националниот тим.
„Моето време во репрезентацијата заврши. Испишав историја, бев многу среќен, ја дадов својата крв и својот живот. Секогаш се борев за жолтиот дрес, но сега повеќе не го сакам тоа“, изјави Нејмар, пренесе „Гол“.
Тој се огласи по победата на неговиот Сантос со 4:2 против Универсидад Централ.
Одлуката доаѓа по настапот на Светското првенство во САД, Канада и Мексико, каде што Бразил беше елиминиран во осминафиналето по поразот од Норвешка со 2:1.
Триесет и четиригодишниот Нејмар за репрезентацијата на Бразил одигра 130 натпревари и постигна 80 голови, оставајќи длабока трага како еден од најдобрите фудбалери во историјата на националниот тим.
