„Некои луѓе никогаш не заминуваат“: Митко Јанчев со емотивна порака и заеднички фотографии од минатото се присети на неговиот другар Тоше Проески

Деветнаесет години по прераното заминување на големиот музичар Тоше Проески, спомените за него и неговото дело продолжуваат да живеат. По тој повод, градоначалникот на Кавадарци, Митко Јанчев, упати емотивна порака, потсетувајќи се не само на уметникот што го сакаше целиот Балкан, туку и на блискиот другар и човек со големо срце.

— реклама —

„Кога зборувам за тебе, не зборувам само за големиот уметник што го сакаше целиот Балкан, туку пред сè, за блискиот другар, за човекот со големо срце, искрена насмевка и душа исполнета со добрина“, напиша Јанчев.

— реклама —

Тој истакна дека музиката, хуманоста и човечноста на Проески оставиле неизбришлива трага, а неговите песни и спомени продолжуваат да живеат во срцата на луѓето што го сакале.

„Некои луѓе заминуваат прерано, но никогаш навистина не нè напуштаат. Живеат во песните, во спомените и во срцата на сите што ги сакале“, порача Јанчев, додавајќи дека делото на Проески е вечно, а споменот за него бесмртен.

— реклама —