Нелегално копале во гостиварско за да најдат злато, четворица лишени од слобода

Четворица мажи биле лишени од слобода во гостиварското село Калиште, откако полицијата ги затекнала при нелегален ископ во потрага по злато, информира Министерството за внатрешни работи.

— реклама —

Според МВР, на 23 октомври, во 20:20 часот, на местото викано „Гури соколеци“, полициски службеници од Полициското одделение Галате ги лишиле од слобода Н.С. (63) од Џепчиште, М.Д. (55) од Челопек, З.М. (72) и Н.К. (78) од Врапчиште.

— реклама —

— реклама —

Кај нив биле пронајдени и одземени метален детектор, лопати, копачи и други предмети. Четворицата се сомничат за кривично дело „оштетување или уништување на добра под привремена заштита или природни реткости“, предвидено во член 264 од Кривичниот законик.

Тие се задржани во полициска станица, а по документирањето на случајот ќе следува соодветен поднесок.