Лицата на кои важноста на личните карти или патните исправи ќе им истече во периодот по распишувањето на изборите, иако тие во меѓувреме извадиле нови или ги обновиле старите нема да бидат избришани од Избирачкиот список. Ова го предвидуваат последните измени на Изборниот законик.
„Системскиот пропуст во начинот на ажурирање на Избирачкиот список, кој со години на илјадници граѓани неоправдано им го кршеше уставно загарантираното право на глас, а за кој и Народниот правобранител со години алармираше и во неколку наврати доставуваше посебни извештаи до Владата и Собранието на Република Северна Македонија, конечно е надминат“, велат од Канцеларијата на Народниот правобранител Иџет Мемети.
