Немири во Папуа Нова Гвинеја: Грабежи и немири во двата најголеми града, загинаа најмалку 15 луѓе

Најмалку 15 лица се убиени во Папуа Нова Гвинеја за време на немирите и грабежите во двата најголеми града во земјата, соопштија властите.

— реклама —

Немири, палење и грабежи избувнаа вчера, во главниот град Порт Морсби, откако стотици полицајци, војници, затворски персонал и државни службеници стапија во штрајк во знак на протест против намалувањето на платите, јавува Ројтерс.

— реклама —

Премиерот на Папуа Нова Гвинеја Џејмс Марапе денеска соопшти дека ситуацијата во Порт Морезби е се уште тензична, но дека насилството е намалено.

— реклама —

„Полицијата вчера не работеше во градот и луѓето прибегнаа кон беззаконие, не сите, туку во одредени делови од нашиот град“, рече Марапе на прес-конференција.

Папуа Нова Гвинеја се бори да го спречи порастот на криминалот и насилството и има долгорочна цел да го зголеми бројот на полицајци од 6.000 на 26.000, пишува Ројтерс.