Пет лица се повредени откако непозната материја била испрскана во ноќен клуб во Линтиг, во германската сојузна покраина Долна Саксонија.
Инцидентот се случил во раните утрински часови во неделата, кога во клубот имало неколку стотици луѓе. По прскањето на непознатата материја, дел од посетителите почувствувале проблеми со дишењето и вртоглавица, додека некои се онесвестиле.
Екипите на итната помош интервенирале на местото и им укажале помош на поголем број лица.
Германската полиција соопшти дека е во тек голема полициска акција во ноќниот клуб и дека е уапсен 19-годишен маж.
Засега не е познато за каква материја станува збор, ниту што бил мотивот за инцидентот. Истрагата продолжува.
