Шеесет и петгодишна жителка на Тетово пријавила во полиција дека била жртва на злоупотреба на нејзината платежна картичка, при што ѝ била причинета материјална штета од 9.263 денари.
Од СВР Тетово информираат дека пријавата била поднесена на 30 јуни во 09:50 часот. Според пријавеното, во периодот од 31 мај до 26 јуни 2026 година, непознато лице извршило пет неовластени трансакции со нејзината платежна картичка.
Полицијата презема мерки и активности за целосно расчистување на случајот и откривање на сторителот.
