Златен накит вреден околу 86.959 евра е одземен при инспекциска контрола во златарница во центарот на Гостивар, соопшти Министерството за внатрешни работи.
Контролата била спроведена на 18 август, во периодот од 11:30 до 21:05 часот, од полициски службеници од ОВР Гостивар во содејство со Царинската управа, Управата за јавни приходи и Државниот пазарен инспекторат.
Била извршена контрола во златарница во сопственост на Ќ.М. (64) од Гостивар. При контролата било утврдено дека дел од златото не било пријавено, односно немало соодветно обележје – жиг.
Поради тоа, Државниот пазарен инспекторат од вработениот З.М. (59) одзел вкупно 1 килограм и 327 грама златен накит.
Накитот е проценет на околу 86.959 евра, а за понатамошниот случај ќе постапува Државниот пазарен инспекторат.
