Непрописно преминување и непропуштање пешаци - 175 прекршоци во сообраќајна контрола низ Македонија

Министерството за внатрешни работи на 20 октомври спроведе акциска сообраќајна контрола на територијата на целата држава, насочена кон откривање прекршоци што ги прават пешаците, но и возачите во однос на пешаците. За четири часа, од 08:00 до 12:00 часот, биле констатирани вкупно 175 прекршоци.

— реклама —

Според информациите од МВР, кај пешаците најчест прекршок било непрописното преминување на коловозот, односно преминување на улицата на небезбедно место, надвор од обележан пешачки премин.

— реклама —

Кај возачите, пак, најчесто било констатирано непропуштање пешаци на обележан пешачки премин.

Покрај овие прекршоци, во текот на контролата биле евидентирани и дополнителни 139 прекршоци од друг вид. За сите констатирани неправилности биле преземени соодветни мерки согласно законските прописи.

— реклама —

Од МВР апелираат до пешаците да ги користат обележаните пешачки премини и да ги почитуваат сообраќајните правила. Воедно, возачите се повикуваат да ја намалат брзината при приближување кон пешачки премини, да бидат особено внимателни и задолжително да им дадат предност на пешаците.

Од Министерството посочуваат дека продолжуваат со акциските сообраќајни контроли со цел зголемување на безбедноста на сите учесници во сообраќајот.