Триесет и тригодишен битолчанец кој изведувал лимарски работи на кров од куќа на битолската улица „Новосадска“, паднал од кровот при што се здобил со тешки повреди.
Несреќата во СВР Битола била пријавена вчера околу 09:30 часот. Според СВР Битола К.Џ(33) од Битола, вработен во лимарска работилница, паднал и се здобил со тешки телесни повреди.
Со возило на Итна медицинска помош тој бил пренесен во Клиничката болница Битола, а потоа во комплексот клиники „Мајка Тереза“ во Скопје.
Увид на местото извршила екипа од СВР Битола. Се преземаат мерки за расчистување на случајот.
