Нетфликс отпушта 300 вработени поради губење на претплатници

Компанијата Нетфликс објави дека ќе отпушти уште 300 вработени, најголем дел од САД, поради намалување на бројот на претплата и раст на конкуренцијата.

— реклама —

Ова отпуштање од околу четири проценти од работната сила на компанијата за стриминг на филмови доаѓа откако во април, Нетфликс го пријави првото губење на претплатници.

— реклама —

-Додека продолжуваме интензивно да вложуваме во работата, мораме да го повлечеме овој потег за нашите трошоци да бидат во согласност со успорениот раст, соопштуваат од компанијата.

— реклама —

Нетфликс има 220 милиони претплатници ширум светот и останува лидер на полето на стриминг сервиси, но се соочува со жестока конкуренција од Дизни Плус и Амазон Прај ВИдео.

Компанијата објави поскапување на своите услуги во САД, Велика Британија и други држави што влијаеше на падот на бројот на претплатници. Нетфликс соопшти дека очекува во наредните два месеци да загуби уште два милиони претплатници.