Неверојатна сцена на УС Опен – мечот меѓу Дарија Касаткина и Паула Бадоса повторно беше прекинат поради дожд, и тоа во момент кога Шпанката беше на чекор до победата.
Бадоса води со 6:1, 5:4, а во последниот гем резултатот е 40:40, откако Шпанката не успеа да искористи две брејк, односно меч-топки. Токму во тој момент, дождот повторно ги прекина случувањата на теренот.
Организаторите на УС Опен имаат сериозни проблеми со временските услови во првите денови од турнирот. Покриви имаат само „Артур Еш“ и „Луј Армстронг“, па голем број мечеви на останатите терени се одложуваат или прекинуваат поради дождот.
Истиот проблем се појави и во вторникот, иако дел од натпреварите успеаја да завршат според планираното.
Мечот меѓу Касаткина и Бадоса ќе мора да продолжи во момент кога Шпанката има огромна предност и е на само еден освоен гем од пласман во второто коло.
Победничката од овој дуел во следната рунда ќе се соочи со Коко Гоф.
