„Невидлив“ бомбардер се урна во Америка, екипажот се катапултира

Американски „Стелт“ бомбардер „Б-1 Лансер“ се урна при слетување во сојузната држава Јужна Дакота. Четворица членови на екипажот, вообичаено стационирани во воздухопловната база Елсворт, безбедно се катапултираа.

— реклама —

— реклама —

Несреќата се случила околу 17:50 часот по локално време. Екипажот беше во мисија за обука, соопшти воздухопловната база Елсворт. Во моментот на несреќата видливоста била слаба, а температурите ниски.

— реклама —

„Б-1“ е конвенционален суперсоничен бомбардер кој користи т.н стелт технологија, која драстично ја намалува нејзината радарска рефлексија и ја прави „невидлива“. Се користеше во азиско-пацифичкиот регион и за спроведување мисии за воздушна поддршка во операциите на САД во Авганистан.