Невработеноста во Германија падна под три милиони, но кризата продолжува

Бројот на невработени во Германија во мај повторно падна под границата од три милиони, но пазарот на труд и натаму не покажува знаци на посилен и траен опоравок, соопшти германската Сојузна агенција за труд.

— реклама —

Според податоците на агенцијата, бројот на невработени се намалил за 58.000 во однос на април и изнесува 2,95 милиони лица. Сепак, тоа е за 31.000 повеќе во споредба со истиот период лани.

Стапката на невработеност во мај изнесувала 6,3 проценти, што е за 0,1 процентен поен помалку од април, но и натаму повисоко во однос на мај 2025 година.

— реклама —

Претседателката на Сојузната агенција за труд, Андреа Налес, изјави дека сезонското намалување на невработеноста не претставува значајна позитивна промена на германскиот пазар на труд.

— реклама —

Во текот на мај, во Германија биле пријавени 643.000 слободни работни места, што е за 8.000 повеќе во однос на минатата година.

Агенцијата со седиште во Нирнберг оцени дека побарувачката за работна сила се стабилизирала, но на релативно ниско ниво.

— реклама —

Бројот на корисници на надоместок за невработеност во Германија во мај достигнал 1,073 милиони, односно за 113.000 повеќе во споредба со истиот период минатата година.