Невработеноста во Германија повторно над три милиони лица

Бројот на невработени во Германија во јули повторно ја надмина границата од три милиони, покажуваат најновите податоци на Федералната агенција за вработување со седиште во Нирнберг.

— реклама —

Во текот на јули биле регистрирани 3,007 милиони невработени, што е за 71.000 повеќе во споредба со јуни и за 28.000 повеќе во однос на истиот месец минатата година.

— реклама —

Истовремено, стапката на невработеност се зголемила за 0,2 процентни поени и сега изнесува 6,4 проценти.

Членот на Управниот одбор на Федералната агенција за вработување, Даниел Терценбах, изјави дека растот на невработеноста главно се должи на сезонски фактори, но предупреди дека слабите движења на пазарот на трудот продолжуваат веќе неколку месеци.

— реклама —

Во Германија бројот на невработени традиционално се зголемува во јули поради почетокот на летниот период. Голем број млади по завршувањето на образованието или стручната обука привремено остануваат без работа, дел од договорите за вработување истекуваат на крајот од кварталот, а работодавачите често го одложуваат новото вработување до завршувањето на сезоната на годишни одмори.

— реклама —

Границата од три милиони невработени последен пат беше надмината во април, кога во Германија беа евидентирани околу 3,008 милиони лица без работа.