Најмалку 140.000 домаќинства денеска останаа без струја откако силно невреме зафати делови на Франција, а многу патишта се блокирани поради искорнети и паднати дрвја. Во прекин е и железничкиот сообраќај кон неколку правци. Бурата „Амели“ предизвикала поплави на југоистокот од земјата , јави агенцијата Анса.
Од еден камп биле евакуирани 47 лица. Во прекин на повеќе патни правци е и железничкиот сообраќај.
Ударите на ветрот достигнувале брзина и до 160 километри на час.
Бурата оди кон внатрешноста на Франција и нејзиниот интензитет слабее, соопштила националната метеоролошка служба.
