Незаконски риболов на Охридското Езеро: Запленети 702 риби и 25 нелегални мрежи

Полициската станица за граничен надзор „Охридско Езеро“ во текот на јуни и јули реализирала 44 акциски контроли насочени кон сузбивање на незаконскиот риболов во водите на Охридското Езеро.

— реклама —

Како што информира МВР, при вршење на кривичното дело „незаконит риболов“ биле затекнати две лица, едно од охридското село Пештани и едно од Струга. Тие биле приведени во полициска станица, а против нив се поднесени соодветни пријави.

— реклама —

Во текот на акциските контроли биле пронајдени и одземени 25 таканаречени висечки рибарски мрежи, со вкупна должина од 4,9 километри, кои се строго забранети за риболов.

— реклама —

Покрај тоа, запленети се и 702 парчиња охридска белвица, со вкупна тежина од 97,1 килограм.

— реклама —

Од МВР најавуваат дека акциските контроли на Охридското Езеро ќе продолжат и во наредниот период, како за спречување на незаконскиот риболов, така и за контрола на почитувањето на одредбите од Законот за внатрешна пловидба.