Реакција на на независната пратеничка група на ВМРО-ДПМНЕ во која се и тројцата амнестирани пратеници за крвавиот четврток, Крсто Муковски, Љубен Арнаудов и Сашо Василевски, за завршното излагање на јавната обвинителка Вилма Русковска.
Со жалење констатираме дека, денес Јавното Обвинителство во текот на завршното обраќање не ги испочитува одредбите од член 1 од Законот за Амнестија, каде многу прецизно е дефинирано за какви дела треба да продолжи судскиот процес. Од таа причина сакаме да истакнеме дека почитувањето и спроведувањето на законот е императив за владеење на правото, пишува во соопштението.
Русковска пак на ова одговара дека со позитивното мислење за нив законот е испочитуван, што не значи дека тие не се виновни.
Во понеделник ќе започнат завршните зборови на обвинетите.
