Нигер ги прекина врските со Французите, наместо нив пристигнаа руски воени инструктори и авион полн со опрема

Руски воени инструктори пристигнаа во Нигер во средата со авион со воена опрема, објави нигерската државна телевизија RTN, повикувајќи се на договорот меѓу хунтата и рускиот претседател Владимир Путин за зајакнување на соработката.

— реклама —

РТН емитуваше снимка од воен товарен авион како истоварува опрема додека луѓето во униформи стојат на страна.

— реклама —

„Тука сме да ја обучиме армијата на Нигер и да развиеме воена соработка меѓу Русија и Нигер“, рече маж во маскирна униформа, за кого RTN тврди дека е еден од инструкторите.

РТН наведува и дека Русија се согласила да инсталира противвоздушна единица во Нигер.

— реклама —

Односите на оваа западноафриканска земја со Русија се во центарот на вниманието откако хунтата ја презеде власта со државен удар минатата година и ги прекина долгогодишните воени и дипломатски врски со Франција, пишува хрватски Индекс.

— реклама —

Тоа ги поттикна шпекулациите дека ќе ги продлабочи безбедносните врски со Русија како соседните Мали и Буркина Фасо.