„Никој не е сам“: Центар дели пакети за Велигден

Во пресрет на велигденските празници, Општина Центар реализираше хуманитарна акција со која подели пакети со основни прехранбени производи на семејства во социјален ризик.

— реклама —

Акцијата, како што информираат од општината, е дел од континуираната поддршка што локалната самоуправа ја обезбедува за најранливите категории граѓани, особено во периоди на поголеми празници.

— реклама —

Целта е да се обезбеди достоинствено одбележување на празниците и да се испрати порака на солидарност и грижа.

— реклама —

„Во духот на Велигден – празник на надежта, солидарноста и човечноста, важно е да покажеме дека никој не е сам. Оваа поддршка ја даваме континуирано и ќе продолжиме и во иднина. Како општина, остануваме посветени на помош за граѓаните на кои им е најпотребна“, изјави градоначалникот Горан Герасимовски, соопшти Општина Центар.

— реклама —

Од општината најавуваат дека и во наредниот период ќе продолжат со мерки и активности насочени кон подобрување на квалитетот на живот, со посебен фокус на социјално ранливите категории граѓани.