Потпретседателот на ВМРО ДПМНЕ Александар Николоски гостувајќи во емисијата „Само Интервју“ на „Канал 5“
„За масовното прислушување претходната влада понесе одговорност Во овој момент случајот за масовното прислушување гледаме дека постои идеална коалиција Зоран Заев, Вице Заев, Сашо Мијалков и сега гледаме Зоран Верушески. Значи таа крими коалиција во државава си функционира. Една од основните причини зошто сме овде каде сме, е затоа што таа крими коалиција си функционира идеално. Гледаме некој судски спорови одат со три рочишта неделно, а во други каде има луѓе од крими коалицијата, судиите забораваат по 90 дена да закажат рочиште. Замислете за прислушувањето имаме конфузни сведочења на оној за кој Заев тврдеше дека го изнел прислушувањето во јавност“ - рече Николоски и додаде:
„Мислите дека тоа амбасадорите не го нотираат во извештаите и тоа не го знаат ?“ - рече Николоски.
Мислам дека Европската Унија сака да види една демокртаска држава, просперитетна во своите граници. Тоа може и мора да е Македонија. И затоа ни се потребни брзи предвремени избори и промена на власта. Нашиот план кој што го спремаме и ќе го понудиме во јавноста е во 2020 година да добиеме датум, да почнеме преговори и со една добра стратегија за 5 години да ја завршиме во 2025-та година како една гранична година дадена за Србија и за Црна Гора. Тоа со способна Влада е возможно, изјави Александар Николоски, потпретседателот на ВМРО-ДПМНЕ, во емисијата „Само Интервју“ на Канал 5 телевизија.
Како политичка партија ние сме тие кои зборуваат за Европската Унија и НАТО и сметаме дека Македонија нема алтернатива. Јас сум кажал и ќе повторам, партнери на Македонија се Брисел, Берлин, Париз, Вашингтон и Лондон. И тука сме многу јасни, потенцираше Николоски.
